قصة عذابي

قصة عذابي

ابتدت الحكايه اه ابتدت الحكايه
ابتدت حتي من قبل ما اعرف ولما عرفت كنت جواها خلاص
ما اخدتش بالي غير وانا بلبس دبلتها انها بقت خطيبتي والمفترض ان اعلان وفائنا لبعض ابتدي
عشت احلم وحقي ..كنت بـ أعد الايام وبحسد نفسي على حسن حظي
ابتدينا اول خطوه في مشوار حياتنا
وحاولنا نبني بيت سعيد وسعيد ده اسمي!!
فتره قصيره يعني مش كبيره
شهر او حتي اقل
الناس كتير هنا وكلها فرحانه وانا قاعد جوه بدلتي و الناس مهنياني
سألت نفسي ومحدش سمعني, هي ليه مش فرحانه؟؟
كان نفسي تجاوبني ولو حتي بابتسامه
النهارده اول يوم من بعد اضافة اللقب الجديد "زوج" "زوجه" لكل واحد فينا
الايام الحلوه المفروض انها مستنيانا لاننا اديناها وعد اننا هنشوفها ووفينا بيه
عملنا اللي علينا؟؟ آه ...يمكن , مش عارف , بس انا استنيت اشوفها ومشوفتهاش
مصدقتش اول مره اختلفنا اننا اختلفنا
مكنتش شايف انه من حق حد ان يتدخل في حياتنا
كنت عشمان و العشم واخدني ان اللي بيننا اكبر من اي مشكله
المشكله كانت الاولي وللاسف الاخيره
فهمت يومها معني " انت بتنفخ في قربه مقطوعه "
ابتدت تبعد وكمان تعند و اللي اخطر انها ناويه على الغدر
اه الغدر.. انا مكنتش مصدق انا كمان
سمعت عن قانون جديد لتحرير الزوجه بس مكنتش اعرف اسمه
عرفت اسمه يومها...الخلع
واللي اكتر انه كان كمان فيه ... قضية تبديد لكل اثاث البيت
مكانتش واعيه انها كانت بتبدد كل حلم حلو انا عيشت فيه
الحكايه لسه ما انتهيتش
لاني لسه عايش فيها...